WINFIELD PARKER

Martxoak 15, ostirala - Gazteszena  - 22.35etan  Sarrera: 23/ 42€

 

Mojo Workin'-ek horren gustuko dituen musika afroamerikarraren altxor izkutu handi horietako bat dugu Winfield. Baltimore estatuan jaio bazen ere, bizitzako  lehenengo urteak Maryland-eko herri txiki batean igaro zituen. Bere dohain musikalak laster geratu ziren agerian, eta horrek hainbat urtetan zehar Little Richard handiaren taldean saxo-jotzaile moduan aritzea ahalbidetu zuen. 

 

Denborak aurrera egin ahala bere banda propioa sortzea otu zitzaion, bertako buru eta abeslari paperak hartuz. Horrek Baltimorren bidea egiten hasia zen zigilu txiki baten interesa erakarri zuen, "Ru Jac Records" izenekoa. Bere izenarekin grabatzeari ekin zion, estilo zabala hartzen duten diskak ateraz: Little Richard-ek inspiratutako R&B basatienetik hasi eta dantzalekura bideratutako soul sofistikatuagorainokoak. Horietako batzuk ATLANTIC ahalguztidunak begiz jo zituen, bere ATCO azpizigiluan argitaratu zituelarik. 70eko hamarkada arrakasta garaia izan zen Winfield-entzat, "Spring Records" eta "P&L Recods"-en ateratako lanei esker.

 

Donostiako emanaldia, 60ko zein 70eko hamarkada hasierako bere abestirik adierazgarrienak ikusteko aukera bikaina izango da.




THE COOKIES

Martxoak 15, ostirala - Gazteszena - 00.00etan  - Sarrera: 23/42€

 

Cookies taldea Raelettes izena hartu eta Ray Charles-ekin lanean hasi bezain pronto, Dorothy Jones-ek taldekide berriak bilatzeko beharra ikusi zuen. Modu honetan Earl-Jane McRea eta Margaret Ross elkartu zitzaizkion.Taldearen gorenaldia orduan iritsi zen, merkatuaren eta jendearen aitortza ekarri zizkieten kantarik ospetsuenak handik aurrera burutu baitzituzten. Diogunaren lekuko bi adibide jar ditzakegu: batetik, mundu zabalean sekulako salmentak eskuratu zituen “Chains” izeneko abestia; bestetik, R&B zerrendetan 3. postua erdietsi zuen “Don’t Say Nothing Bad (About May Baby)” kanta.

 

Hori guztia gauza jakina da, misteriorik gabekoa, baina taldeak badu oharkabean igaro den gauzarik; jende gutxik daki, adibidez, bere diskez haratago, neskek Pop eta R&B-aren historian garrantzia handia eskuratu zuten diska eta grabaketatan parte hartu zutela; hor ditugu Mel Thorme-ren "Comin' Home Baby", Little Eva-ren "The Loco-Motion", Neil Sedaka-ren "Breaking Up is Hard To Do" edo King Curtis-en "That's Alright" abestiak. Halaber, "The Honey Bees", "The Cinderellas" eta "The Palisades" moduko goitizenak erabiliz ibilbide paralelo interesgarria garatu zuten, lanak grabatuz eta argitaratuz. Talde horien ia diska guztietan Margaret Ross izan zen abeslari nagusia moduan aritu zena  eta bera izan da, baita ere, azkeneko urteotan Cookies-en garra mantentzearen arduraduna. 

 

Donostiako emanaldiari begira, Margaret-ek abesti garrantzitsuenez osatutako zerrenda prestatu du, bai Cookies-enak beraienak, zein taldeak kolaboratzeko parada izan zuen artistekin lotutakoak.  

 




THELMA JONES

Martxoak 16, larunbata - Gazteszena - 22.35etan  - Sarrera: 25/ 42€

 

Thelma Jones-en izena musika munduan etengabeko borroka eta lanari lotua dago ezinbestean. Ipar Karolinakoa izaki, Gospelez blai zegoen musika giroan hazi eta hezi zen. Artean oso gazte zela, familia New York-era lekualdatu zen, eta bertan hainbat musika talde sortu zituen, bere anai-arrebekin batera. Hasiera batean musikaren ildo erlijiosoa uzteari uko egin bazion ere, azkenean Barry! zigilu famatuak fitxatu zuen, bere ibilbide diskografikoari ateak irekiz. Zigiluaren ekoizleetako bati esker, musika afroamerikarraren historiako mito zen Big Maybelle ezagutzeko parada izan zuen, eta horri esker, artista garrantzitsu hori Thelmaren zaintzaile eta irakasle bihurtu zen. 

 

Mundu osoko soul jarraitzaileek 60ko hamarkadako bere lanak biziki estimatzen dituzte eta horietako hainbat Estatu Batuetako diska salduenen zerrendetan agertu ziren, baina hala ere, ez zuen merezitako sona ekarriko zion arrakastarik lortu. Horren lekuko "The House That Jack Built" abestia dugu: Thelma izan zen kanta grabatzen lehena, baina ospea, Aretha Franklin-en bertsioak eskuratu zuen. Bestalde, Atlantic-entzako denbora batez lanean aritu zen, eta Muscle Shoals estudio famatuan grabatzeko aukera ere izan zuen. 

 

 

70eko hamarkadan oihartzun eta aitortza handiagoak erdietsi zituen, Columbia Records-en egindako lanari esker eta, batez ere, "Salty Tears" abestiaren ondotik. Ordutik Thelma-k ez dio lan egiteari utzi eta azkeneko urteetan jazz-etik gertuago dagoen estilo batean mugitu bada ere, Mojorako, 60 eta 70eko hamarkadetan Barry Records eta Columbia-n izandako abesti famatuak taularatuko ditu.




THE DIXIE CUPS

Martxoak 16, larunbata  -  Gazteszena - 00.00etan  - Sarrera: 25/ 42€

 

 Dixie Cups taldea, New Orleans-ko emakumeek osatutako musika-taldeetan nagusiena da. Hirukotea 60ko hamarkadaren hasieran sortu zen, Barbara Ann eta Rosa Lee Hawkins ahizpen eta beraien lehengusina Joan Johnsonen eskutik. Izen ezberdinekin hainbat urtez jardun zuten, hiriko kultura musikala ongi ikasiz, harik eta 1963 urtean kontratu bat eskaini zitzaien arte, New York hiriko “Red Bird Records” zeritzon zigiluaren eskutik. Grabatutako lehenengo diskoa, “Chappel of Love” izenekoa, Phil Spector, Jeff Barry eta Ellie Greenwich-ek konposatu zuten, eta hasiera batean Ronettes taldearentzat pentsatua zegoen. Mundu mailako berehalako harrakasta izan zen, industria musikalaren ateak parez pare ireki zizkielarik. Horren ondoren sona handiko hainbat abesti etorri ziren, “Iko Iko”, “People Say” edo “I’m Gonna Get You Yet” horien artean.

 

Barbara Ann eta Rosa Lee-k, Nevill Brothers-en arreba Athelgra Neville-ek lagunduta, errepertorio berezia prestatu dute Mojo Workin’-erako; osagarriak beraien harraskatarik ezagunenak eta abestirik dantzagarrienak izango dira, errezetari horren gustuko dugun New Orleans-ko jazz-aren zapore apur bat gehituz. 

 




AKATZ
Viernes 16 marzo - Sala Gazteszena - 21.30h  aprox.  Entr. 23/ 42€

 

 



BIG BOB RAILROAD
Sábado 17 marzo - Sala Gazteszena - 21.30h  aprox.  Entr. 25/ 42€

 

Hainbat urtez elkarrekin jo ondoren, 2016ko udaran Aitor eta Josuk hasiera ematen diote Big Bob Railroad taldeari, blues eta folk iparramerikarraren eremuan dabilen proiektu akustikoa. Delta-blueseko dobro eta slide soinuak abiapuntutzat hartuz, Mississippi deltako musikaren interpretazio (oso pertsonal) bat besterik ez da Big Bob Railroad.

 

2017ko udaran "Session #1" grabatzeari ekiten diote, lehen abesti sorta. Dobro, slide, kitarra akustiko eta perkusioz beteriko zazpi abesti, Son Housen bertsio bat barne. 

 

Hitz gutxitan, hau da Big Bob Railroad.